Ռազմավարական որակի վերահսկման աշխատաժողով Վարշավայում. Հայաստանի, Վրաստանի, Մոլդովայի և Ուկրաինայի կանաչ անցման առանցքային եզրակացությունների վերլուծություն
«Կանաչ օրակարգ» աշխատաժողովը, որն անցկացվել է Լեհաստանի Վարշավա քաղաքում, ապրիլի 29-30-ը, միավորել է SEI ավելի քան 30 փորձագետի, ազգային գործընկերների և թեմատիկ ղեկավարների՝ քննարկելու թեմատիկ գնահատումներից դեպի ազգային գնահատումներ անցման գործընթացը՝ Հայաստանի, Վրաստանի, Մոլդովայի և Ուկրաինայի համար կանաչ փոխակերպման համապարփակ ճանապարհային քարտեզների մշակման նպատակով: Նպատակը SEI «Կանաչ օրակարգ» ծրագրի շրջանակներում մասնակից երկրների համար ավելի կայուն ապագայի հիմք ստեղծելն է և աջակցելը նրանց ԵՄ չափանիշներին համապատասխանելու գործում:
Աշխատաժողովի ընթացքում մասնակիցները վերանայեցին երկրների պատրաստվածության հիմնական արդյունքները կանաչ անցման ոլորտներում, ինչպիսիք են՝ կլիման, էներգետիկան, խելացի տրանսպորտը, շենքերն ու վերանորոգումը, արդյունաբերությունը, զրոյական աղտոտումը, ֆերմայից` սեղան մոտեցումը և կենսաբազմազանությունը: Քննարկվեցին նաև միջոլորտային հարցեր, օրինակ՝ Ֆինանսներ փոխակերպման համար, թվայնացում, սոցիալական ազդեցություն, հետազոտություն և նորարարություն։
Քննարկումները կենտրոնացած էին երկրների բնապահպանական նպատակների առաջխաղացման համար հաջորդ քայլերի ուրվագծման վրա՝ յուրաքանչյուր երկրի նկարագիրն առանձին ուսումնասիրելով՝ գնահատումների որակն ապահովելու համար:
Թեմատիկ եզրակացություններին նվիրված աշխատանքային նիստերը խթանեցին համագործակցությունը, գիտելիքների փոխանակումը և ռազմավարական պլանավորումը:
Մեր «Կանաչ օրակարգ Հայաստանի, Վրաստանի, Մոլդովայի և Ուկրաինայի համար» ծրագիրը, որն իրականացվում է Շվեդիայի միջազգային զարգացման համագործակցության գործակալության (Sida) աջակցությամբ, կենտրոնացած է կանաչ փոխակերպման համար ազգային ճանապարհային քարտեզների ստեղծման ուղղությամբ՝ հիմնված թե՛ թեմատիկ, և թե՛ ազգային մակարդակներում գնահատումների վրա։
Այս գնահատումներն ուղղված են «Եվրոպական Կանաչ գործարքի» հիմնական ասպեկտներին և ընդգրկուն խնդիրներին՝ հեշտացնելու չորս երկրներում համապարփակ կանաչ փոխակերպմանը նպաստելու նպատակով:
