Ուսումնասիրությունը ներառում է՝

• Հանրության տեղեկացվածությունն ու ներգրավվածությունը կլիմայի փոփոխության հարցերում
•  Վստահությունը բնապահպանական տեղեկատվության աղբյուրների հանդեպ
•  Կլիմայի փոփոխության պատճառների և հետևանքների ընկալումը տարբեր սոցիալական և տարիքային խմբերի կողմից
•  Բնապահպանական ոլորտում գործող տարբեր կառույցների առաջնահերթությունների և արդյունավետության գնահատականները
•  Վերաբերմունքը էներգետիկ անվտանգության և էներգախնայողության նկատմամբ
•  Կանաչ նախաձեռնություններին մասնակցելու պատրաստակամությունն ու մասնակցությանը խոչընդոտող հիմնական գործոնները

Ստացված արդյունքները բացահայտում են հասարակության առջև ծառացած հիմնական մարտահրավերները, ընդգծում համագործակցության հնարավորությունները և հիմք են ծառայում Հայաստանի կայուն զարգացման և արդյունավետ կլիմայական քաղաքականության համար շահագրգիռ կողմերի մասնակցությամբ մշակվող ռազմավարություններին։ Ուսումնասիրությունը հիմնված է Հանրապետության մասշտաբով իրականացված հարցումների վրա՝ ապահովելով Հայաստանի կանաչ անցման գործընթացում հանրային ընկալումների համապարփակ և ներկայացուցչական պատկերը։